Maana ya hekalu katika Biblia
A. Hekalu ni nyumba ya ibada. Ni kama ile nyumba Sulemani aliyomjenngea Mungu. 1 Wafalme 6:14
Basi Sulemani akaijenga hiyo nyumba akaimaliza.
B. Hekalu ni mahali patakatifu panapohusishwa na ibada na uwepo wa Mungu. Uthibitisho wa jambo hilli unapatikana kwenye, 2 Mambo ya Nyakati 5:13-14
13 hata ikawa, wenye panda na waimbaji walipokuwa kama mmoja, wakisikizisha sauti moja ya kumsifu na kumshukuru Bwana nao wakipaza sauti pamoja na panda na matoazi na vinanda, wakimsifu Bwana, wakisema, Kwa kuwa ni mwema; kwa maana fadhili zake ni za milele; ndipo nyumba ikajawa na wingu, naam, nyumba ya Bwana,
14 hata makuhani hawakuweza kusimama ili kufanya huduma yao, kwa sababu ya lile wingu; kwa kuwa nyumba ya Mungu imejaa utukufu wa Bwana.
Kila aaminiye ni hekalu la Mungu.
Inawezekana kuwa hekalu la Mungu kwa kuzingatia haya yafuatayo;
1. Amempokea Yesu na kuokolewa kutoka katika dhambi zake zote. Na kuziacha kabisa.
2. Anaishi sawasawa na maneno ya Mungu.
3. Anadumu katika maisha ya utakatifu.
4. Anatoa mwili wake kama sadaka na hekalu la Mungu akiwa amefanywa upya. Ndio maana imeandikwa katika Warumi 12:1-2
1 Basi, ndugu zangu, nawasihi, kwa huruma zake Mungu, itoeni miili yenu iwe dhabihu iliyo hai, takatifu, ya kumpendeza Mungu, ndiyo ibada yenu yenye maana.
2 Wala msiifuatishe namna ya dunia hii; bali mgeuzwe kwa kufanywa upya nia zenu, mpate kujua hakika mapenzi ya Mungu yaliyo mema, ya kumpendeza, na ukamilifu.
1 Petro 2:5 Ninyi nanyi, kama mawe yaliyo hai, mmejengwa mwe nyumba ya Roho, ukuhani mtakatifu, mtoe dhabihu za roho, zinazokubaliwa na Mungu, kwa njia ya Yesu Kristo.
Kulingana na maandiko hapa juu yanaonyesha aaminiye anapaswa kutoa mwili na roho yake kuwa dhabihu kwa Mungu. Jambo hilli linawezekana kwake ikiwa anao uhusiano mzuri na Mungu.
Hekalu ni mahali ambapo panapaswa kuwa patakatifu. Kwa hiyo Mungu hukaa kwenye hekalu takatifu. Imeandaliwa kwenye,
1 Wakorintho 3:16-17
16 Hamjui ya kuwa ninyi mmekuwa hekalu la Mungu, na ya kuwa Roho wa Mungu anakaa ndani yenu?
17 Kama mtu akiliharibu hekalu la Mungu, Mungu atamharibu mtu huyo. Kwa maana hekalu la Mungu ni takatifu, ambalo ndilo ninyi.
'1 WAKORINTHO 6:19 - ‘Au hamjui ya kuwa mwili wenu ni hekalu la Roho Mtakatifu aliye ndani yenu, mliyepewa na Mungu Wala ninyi si mali yenu wenyewe’
'WAEFESO 2:22 - ‘Katika yeye ninyi nanyi mnajengwa pamoja kuwa maskani ya Mungu katika Roho.' (Neno maskani linamaanisha makao au mahali pa kukaa).
Aaminiye kumkaribia Mungu katika Roho Mtakatifu.
1. Imeandikwa kwenye huu mstari hapa chini unasema “kwa yeye” (yaani Yesu Kristo). Ina maana katika Yesu Kristo tunamkaribia Baba katika Roho.
'WAEFESO 2:18 Kwa maana kwa yeye sisi sote tumepata njia ya kumkaribia Baba katika Roho mmoja.'
Yohana 4:24 Mungu ni Roho, nao wamwabuduo yeye imewapasa kumwabudu katika roho na kweli.
Kwa sababu hiyo kulingana na maandiko hapa juu yanaonyesha umuhimu wa kuwa na Roho Mtakatifu.
Aaminiye Kumkaribia Mungu kwa Imani.
2. “WAEFESO 3:12 Katika yeye tunao ujasiri na uwezo wa kukaribia katika tumaini kwa njia ya kumwamini.”
Kwenye huu mstari neno ‘katika yeye’ linamaanisha Yesu. Kwa hiyo katika Yesu tunao ujasiri na uwezo kumkaribia Mungu na kumtegemea kwa imani
Pia tunaweza kuona aliye na ujasir ni yule ambaye ameokolewa. Na pia anaishi sawasawa na mapenzi ya Mungu na kuepuka
dhambi. Huyo anao ujasiri. Ndio maana imeandikwa kwenye,
'1 YOHANA 3:21 - 22
21 Wapenzi, mioyo yetu isipotuhukumu, tuna ujasiri kwa Mungu'
22 na lo lote tuombalo, twalipokea kwake, kwa kuwa twazishika amri zake, na kuyatenda yapendezayo machoni pake.’
Maoni
Chapisha Maoni