Ruka hadi kwenye maudhui makuu

UPENDO WA KWANZA KUPOA.

Namshukuru Mungu kwa ajili ya wakati huu ambao amenojalia kuandika somo hili ambalo linahusu upendo wa kwanza kupoa. Ili uweze kufahamu nitaeleza kwa uhalisi kupitia mfano wa mkristo ambaye ameokoka anakuwa na hamasa ndani ya moyo wake, au kwa maneno mengine naweza kusema anakuwa na shauku, kiu na hamu kwa ajili ya mambo ya Mungu. Huo ndio upendo wa kwanza. Mtu wa namna hiyo inaonesha wazi anampenda Mungu. Kwa sababu hiyo anakuwa na bidii ya kujifunza neno la Mungu, na kuutafuta uso wa Mungu kwa maomba, kumwabudu na kumsifu kila siku. Na si hivyo tu, bali anadumu katika neno la Mungu linavyosema. Kwa hiyo ikiwa Mkristo aliyeokoka anafanya hayo anakuwa amedumu katika ule upendo wa kwanza.

 Kuacha upendo wa kwanza.
Mkristo ambaye ameokoka yampasa kuwa makini asije akaacha kuwa na upendo wa kwanza kwa ajili ya shughuli za dunia na udanganyifu wa yule mwovu. Hapa nitaonesha mambo ambayo ni sababu ya mtu kuacha upendo wa kwanza ni haya yafuatayo;

1. Kufanya dhambi au kuishi katika dhambi. 

 2.Shughuli za dunia hii. Kutokana na shughuli za kila siku mtu anakuwa hana muda wa kumtafuta Mungu. Kwa hiyo Mtu anapotumia muda mwingi katika mambo yake bila kuutafuta uso wa Mungu anakuwa ameuacha upendo wa kwanza.

3.Kutumia mitandao bila kuwa na kiasi.
Kama mtu atakuwa anatumia mitandao ya intaneti bila kuwa na kiasi cha muda wa kikomo anaweza kutumia muda mwingi zaidi kuliko kuwa na muda wa kutosha kumtafuta Mungu. Kwa sababu hiyo ni muhimu kutumia mitandao ya kijamii kwa kiasi, ambayo ni Facebook, WhatsAp na Instagram. 
Hii ni baadhi ya mitandao michache nimetaja hapa. Pia kuangalia televisheni kwa kiasi. Jambo lingine ambalo linakutenga na upendo wa kwanza ni kuipenda mitandao na mambo mengine na kujishughulisha nayo kuliko Mungu kwanza. Katika maisha yetu jambo la muhimu ni kumpa Mungu nafasi ya kwanza. Na pia katika jambo lolote kabla ya  kulifanya yakupasa kumpa Mungu nafasi ya kwanza katika maisha yako. Kwa sababu hiyo kila siku asubuhi mkristo anapoamka kabla ya kufanya shughuli yoyote ni jambo la muhimu kumpa Mungu nafasi ya kwanza kwa kufanya ibada. Mtumishi wa Mungu Paulo alikuwa anafahamu ya kwamba hilo ni jambo la muhimu kabla ya mambo yote. Ndio maana aliagiza na kusema; “Basi, kabla ya mambo yote, nataka dua, na sala, na maombezi, na shukrani, zifanyike kwa ajili ya watu wote; kwa ajili ya wafalme na wote wenye mamlaka, tuishi maisha ya utulivu na amani, katika utauwa wote na ustahivu” Timotheo 2:1-2.

Ukiwa na upendo wa kwanza utakuwa unafanya kama andiko linavyosema hapa juu. Jinsi ya kufanya ibada ni kama ifuatavyo 
A.Kuomba kwa ajili yako na kwa ajili ya familia yako.
B.Kuomba kwa ajili mambo yote ili Mungu akusaidie na kukuongoza. 
Andiko maana linasema,
 “Nafsi zetu zinamngoja BWANA; Yeye ndiye msaada wetu na ngao yetu”. Zaburi 33:20. 

“Naye BWANA atakuongoza daima, ataishibisha nafsi yako mahali pasipokuwa na maji, na kuitia nguvu mifupa yako; nawe utakuwa kama bustani iliyotiwa maji, na kama chemchemi ambayo maji yake hayapungui.” Isaya 58:11.

C.Kuomba  kwa ajili ya wengine.
D.Kumshukuru Mungu kwa ajili ya mambo yote ambayo umeomba kwake. Ndio maana andiko linasema"Shukuruni kwa kila jambo; maana hayo ni mapenzi ya Mungu kwenu katika Kristo Yesu". 1 Wathesalonike 5:18. 

Matokeo ya mtu kupoa na kutokuwa  na upendo wa kwanza ni haya yafuatayo;
1. Mtu ambaye amepoa anapoteza uhusiano wake wa kuwa karibu na Mungu katika maisha yake. Pia anakuwa amepoteza hofu ya Mungu.

2. Anakuwa hajali mambo ya Mungu, bali anajali mambo yake zaidi kuliko ya Mungu. Mtu wa namna hiyo anakuwa ameyazoea mambo ya Mungu. Ndani ya moyo wake hana unyenyekevu wala kupondeka.

3. Anakuwa hana ile shauku au hamu ya kupenda mambo ya Mungu  kama kuomba na kusoma neno la Mungu.

Kujifunza zaidi bofya hapa; dua, sala na maombezi.

Maoni

Chapisha Maoni

Machapisho maarufu kutoka blogu hii

KUMTUMIKIA MUNGU KWA BIDII

Kutokana na kichwa cha somo hapo juu mkristo ataweza kumtumikia Mungu kwa bidii kama ataweka nia katika  moyo wake.   Tukiangalia kuhusu mwanadamu kuna mambo mengi katika maisha yake ameyafanya kutokana na bidii aliyo nayo. Lakini ikiwa mtu hana bidii kwa ajili ya mambo ya Mungu kamwe hawezi kuingia ufalme wa Mungu. Ndio maana imeandikwa;  "Tangu siku za Yohana Mbatizaji hata sasa ufalme wa mbinguni hupatimkana kwa nguvu, nao wenye nguvu wauteka,   Mathayo 11:12 ."    " Torati na manabii vilikuwapo mpaka Yohana; tangu wakati huo habari njema ya ufalme wa Mungu hutangazwa, na kila mtu hujiingiza kwa nguvu."   Luka 16:16. Hapa ninatoa ushuhuda wangu binafsi, kuhusu kumtumikia Mungu kwa bidii. Wakati nilipookoka nilikuwa na kiu au shauku kwa ajili ya kutaka kujazwa Roho Mtakatifu. Kwa sababu nilikuwa ninamhitaji sana nilimwomba mtumishi mmoja wa Mungu aniombee ili niweze kujazwa Roho Mtakatifu. Lakini hakuweza kuniombea, bali alipojibu ya kwamba nimwombe ...
Maoni 32
Endelea kusoma »

KUISHI MAISHA YA UTAKATIFU.

Utakatifu  - Ni maisha ya Mkristo anayoyaishi kwa kuzingatia kanuni ya neno la Mungu baada ya kumkiri na kumpokea Yesu kuwa Bwana na Mwokozi wa maisha yake. Kuishi maisha ya utakatifu ni jambo linalowezekana, kwa sababu Mungu alipomuumba mwanadamu alimwekea hiari ndani yake kwa kutokea kwa tukio. Ndio maana Yesu alipokuwa akifundisha alitumia mfano wa mti kuonyesha mtu anavyoweza kuishi maisha haya ya kumpendeza Mungu au ya maisha ya dhambi. "   "Ufanye mti kuwa mzuri na matunda yake kuwa mazuri, au ufanye mti kuwa mbaya na matunda yake mabaya, kwa maana kwa matunda yake mti hutambulikana" Mathayo 12:33. Kuishi maisha ya utakatifu ni agizo la Mungu kwa wale wote aliowachagua. Ndio maana Mungu alimwambia Musa,   "Nena na makutano wote na wana wa Israel, uwaambie, mtakuwa watakatifu; kwa kuwa mimi Bwana Mungu wenu ni mtakatifu"  Walawi    19:2. Kuwa mtakatifu ni kumpendeza Mungu, kwa sababu amesema;  “Watakatifu waliopo duniani ndio walio bora...
Maoni 34
Endelea kusoma »

TUNDA LA UAMINIFU.

Uaminifu ni mojawapo ya tunda la Roho katika maandiko matakatifu. Tutajifunza uaminifu wa Mungu unaopatikana katika neno lake. Yeye amesema atatimiza yale aliyoahidi katika neno lake, si tu kwa wana wa Israel bali kwa watu    wote wanaoishi sawasawa na neno lake. Kwa hiyo, kwa upande wetu inatupasa sisi nasi kuwa waaminifu kwa kuliishi na kulitenda neno la Mungu.   “Basi jueni ya kuwa Bwana, Mungu wenu, ndiye Mungu; Mungu mwaminifu, ashikaye agano lake na rehema zake kwao wampendao, na kushika amri zake, hata vizazi elfu.   Na itakuwa, kwa sababu mwazisikiza hukumu hizi, na kuzishika na kuzitenda, basi Bwana, Mungu wako, atakutimizia agano na rehema aliyowaapia baba zako.”   Kum 7:9, 12.   “Ndivyo litakavyokuwa neno langu, litokalo katika kinywa changu    halitanirudia bure bali litatimiza mapenzi yangu, nalo litafanikiwa katika mambo yale niliyolituma.   Isa 55:11" Tabia ya mtu mwaminifu. 1. Mtu aliye mwaminifu ni yule ambaye anatenda sawa...
Maoni 13
Endelea kusoma »

UPONYAJI WA MAGONJWA.

Chanzo cha magonjwa. Kuna magonjwa yanayotokana na mtu kufanya dhambi. Ndiyo maana Yesu alipomponya yule mtu ambaye aliyekuwa mngonjwa akamwabia,   “…Angalia umekuwa mzima; usitende dhambi tena, lisije likakupata jambo lililo baya zaidi”   Yn 5:14.   Ikiwa mtu aliyeokoka akirudia kuishi maisha ya dhambi pepo mchafu anapoona nafasi anachukua pepo wengine na kuingia kwake. Yesu alisema,  “Mara huenda akachukua pamoja naye    pepo    wengine walio waovu    kuliko yeye mwenyewe nao huingia na kukaa humo; na mtu Yule hali yake huwa mbaya kuliko ya kwanza. Ndivyo itakavyokuwa kwa kizazi hiki kilicho kibaya”   Mt 12:45.    Wakati mwingine sii kila mtu anayeumwa amefanya dhambi, bali ni matokeo ya ugonjwa katika mwili. Kwa upande mwingine mtu anaweza akawa ni mgonjwa au amekosa lishe.  Uponyaji wa Mungu.                     Mambo ya kuzingatia na kuponywa ni ha...
Maoni 4
Endelea kusoma »