DUA -Linatokana na lugha ya Kigirikii ' deesis' maana yake ni kuomba jambo maalumu kwa kusihi.
Kwa hiyo dua ni ombi maalumu kwa kumsihi Mungu. Tunaweza kuona katika maandiko jinsi Yesu Kristo anatufundisha kuomba kwa bidii bila kukata tamaa na hatimaye kupata majibu. Imeandikwa katika "LUKA 18:7 - Na Mungu, je Hatawapatia haki wateule wake wanaomlilia mchana na usiku, naye ni mvumilivu kwao"
"LUKA 18:8 - Nawaambia, atawapatia haki upesi walakini, atakapokuja Mwana wa Adamu, je Ataiona imani duniani"
Pia tunaweza kujifunza kwa Bwana wetu Yesu Kristo wakati anakaribia mauti yake alifanya maombi ya dua. Imeandikwa kwenye "Luka 22:42-44
42 akisema, Ee Baba, ikiwa ni mapenzi yako, uniondolee kikombe hiki; walakini si mapenzi yangu, bali yako yatendeke.
43 Malaika kutoka mbinguni akamtokea akamtia nguvu.
44 Naye kwa vile alivyokuwa katika dhiki, akazidi sana kuomba; hari yake ikawa kama matone ya damu yakidondoka nchini.]"
SALA—Linatokana na neno la Kigiriki 'Proseuchē 'Maana ya msingi: kuongea na Mungu kwa ibada au mawasiliano ya jumla. Ni kama ambavyo imeandikwa katika, " Mathayo 6:9-139 Basi ninyi salini hivi; Baba yetu uliye mbinguni, Jina lako litukuzwe, Ufalme wako uje,
10 Mapenzi yako yatimizwe, hapa duniani kama mbinguni.
11 Utupe leo riziki yetu.
12 Utusamehe deni zetu, kama sisi nasi tuwasamehevyo wadeni wetu.
13 Na usitutie majaribuni, lakini utuokoe na yule mwovu. [Kwa kuwa ufalme ni wako, na nguvu, na utukufu, hata milele. Amina.]"
MAOMBEZI - Maana yake ni kuomba kwa ajili ya wengine.
SHUKRANI - Linaltokana na neno la Kiebrania 'Yadah' maana yake ni kusema maneno ya shukrani na sifa. Na si hivyo tu bali kwa kumwabudu Mungu kwa moyo na kweli na kwa ishara ya kuinua mikono. Pia tunaweza kuona katika maandiko haya yafuatayo;
" ZABURI 100:4 -5, Ingieni malangoni mwake kwa kushukuru Nyuani mwake kwa kusifu Mshukuruni, lihimidini jina lake;' ⓧ Kwa kuwa BWANA ndiye mwema Rehema zake ni za milele Na uaminifu wake vizazi na vizazi.'
ZABURI 134:2 - ⓡ Painulieni patakatifu mikono yenu, Na kumhimidi BWANA.'
Waebrania 13:15 Basi, kwa njia yake yeye, na tumpe Mungu dhabihu ya sifa daima, yaani, tunda la midomo iliungamayo jina lake.,"
KUABUDU -Linatokana na nemo la Kiebrania: shachah maana yake ni kuinama, kusujudu, kujinyenyekeza mbele za Mungu.
Kwa Kigiriki: proskyneō lina maana ya kusujudu, kumpa Mungu heshima kuu, utii, na ibada.
Kwa hiyo kuabudu si kuimba au kusali tu, bali ni kujinyenyekeza mbele za Mungu, kumheshimu, kumtii, na kuishi maisha yanayomtukuza kwa moyo na kweli.
UPAKO - Ni kumiminiwa mafuta, kutengwa au kuwekwa wakfu kwa ajili ya kazi maalum ya Mungu ambayo ni kama ya ukuhani, ufalme na nabii. Tuweze kuona katika maandiko haya yafuatayo;
"1 Wafalme 19:15-16,15, Bwana akamwambia, Enenda, urudi njia ya jangwa la Dameski; ukifika, mtie mafuta Hazaeli awe mfalme wa Shamu.
16 Na Yehu mwana wa Nimshi mtie mafuta awe mfalme wa Israeli; na Elisha mwana wa Shafati wa Abel-Mehola mtie mafuta awe nabii mahali pako."
"Kutoka 30:30 Nawe utawatia mafuta Haruni na wanawe, na kuwatakasa, ili wanitumikie katika kazi ya ukuhani."
"Luka 4:18 Roho wa Bwana yu juu yangu, Kwa maana amenitia mafuta kuwahubiri maskini habari njema. Amenituma kuwatangazia wafungwa kufunguliwa kwao, Na vipofu kupata kuona tena, Kuwaacha huru waliosetwa."
Maoni
Chapisha Maoni