Ruka hadi kwenye maudhui makuu

KUAMINI NA KUOKOKA.

Nimeona ni muhimu kuelezea maneno mawili ambayo ni kuamini na kuokoka yanavyotumika katika  Biblia. Maneno hayo tukiyaangalia tunaweza kuona yanatofautiana maana na matumizi yake. Haya maneno yanatumika kama ifuatavyo;

1.Neno kuamini maana yake ni kutumaini au kutarajia. Kutokana na maana ya maneno haya mtu anakuwa ni mwenye imani pale anapokuwa na uhakika wa yale mambo anayoyatumaini na kuyatarajia ambayo hayajaonekana au kutokea. “Basi imani ni kuwa na hakika ya mambo yatarajiwayo, ni bayana ya mambo yasiyoonekana.” Waebrania11:1.

2.Neno kuokoka lina maana rahisi ambayo mtu yoyote anaweza kuelewa. Kwa mfano mtu mmoja amezama baharini lakini hawezi kuongealea na kujiokoa maisha yake asiangamie katika maji kwa sababu hana ujuzi wa kuogelea. Halafu akaja mtu mwenye nguvu na ujuzi wa akaogelea na kumwokoa kutoka katika maji. Kwa sababu hiyo, mtu huyo anakuwa ameokolewa au ameokoka kuangamia katika maji.
Kutokana na maana ya maneno haya hapa juu ambayo nimeyafafanua  itakuwa ni rahisi wewe kuelewa kusudi la Mungu kuhusu kuokoka.

Kwa sababu mwanadamu ni mwenye dhambi Mungu alikusudia kumtuma Yesu Kristo kuja ulimwenguni ili awaokoe watu wote kutoka katika dhambi zao. Ndio maana imeandikwa; “Wala hakuna wokovu katika mwingine awaye yote, kwa maana hapana jina jingine chini ya mbingu walilopewa wanadamu litupasalo sisi kuokolewa kwalo.” Matendo ya Mitume 4:12.

Kutokana na maneno ya Mungu katika Biblia yanaonyesha wazi hakuna mwanadamu anayeweza kujiokoa mwenyewe kutoka katika dhambi zake na kuziacha. Ndio maana “Yesu akawajibu, Amin, amin, nawaambia, Kila atendaye dhambi ni mtumwa wa dhambi. Wala mtumwa hakai nyumbani sikuzote; mwana hukaa sikuzote. Basi Mwana akiwaweka huru, mtakuwa huru kweli kweli.” Yohana 8:34-36. Hapa Yesu alikuwa akionyesha mtu anavyoitumikia dhambi kama mtumwa anavyomtumikia bwana wake aliyemwajiri wala hayuko huru. Iakini Yesu amedhihirisha wazi ya kwamba anao uwezo wa kumweka huru mtu mwenye dhambi.

Maoni

Chapisha Maoni

Machapisho maarufu kutoka blogu hii

KUMTUMIKIA MUNGU KWA BIDII.

Kutokana na kichwa cha somo hapa juu katika matukio wazi ili mtu amtumikie Mungu ni lazima awe na bidii. Kwa sababu hiyo kwa mtu yule ambaye ameweka nia moyoni mwake ya kwamba atatumikia Mungu kwa bidii. Tukiangalia kuhusu mwanadamu kuna mambo mengi katika maisha yake ameyafanya kutokana na bidii aliyo nayo. Lakini ikiwa mtu hana bidii kwa ajili ya mambo ya Mungu kamwe hawezi kuingia ufalme wa Mungu. Ndio maana imeandikwa;  "Tangu siku za Yohana Mbatizaji hata sasa ufalme wa mbinguni hupatimkana kwa nguvu, nao wenye nguvu wauteka,   Mathayo 11:12 ."    " Torati na manabii vilikuwapo mpaka Yohana; tangu wakati huo habari njema ya ufalme wa Mungu hutangazwa, na kila mtu hujiingiza kwa nguvu."   Luka 16:16. Hapa ninatoa ushuhuda wangu binafsi, kuhusu kumtumikia Mungu kwa bidii. Wakati nilipookoka nilikuwa na kiu au shauku kwa ajili ya kutaka kujazwa Roho Mtakatifu. Kwa sababu nilikuwa ninamhitaji sana nilimwomba mtumishi mmoja wa Mungu aniombee ili niweze kujazwa...
Maoni 29
Read more »

KUISHI MAISHA YA UTAKATIFU.

Utakatifu  - Ni maisha ya Mkristo anayoyaishi kwa kuzingatia kanuni ya neno la Mungu baada ya kumkiri na kumpokea Yesu kuwa Bwana na Mwokozi wa maisha yake. Kuishi maisha ya utakatifu ni jambo linalowezekana, kwa sababu Mungu alipomuumba mwanadamu alimwekea hiari ndani yake kwa kutokea kwa tukio. Ndio maana Yesu alipokuwa akifundisha alitumia mfano wa mti kuonyesha mtu anavyoweza kuishi maisha haya ya kumpendeza Mungu au ya maisha ya dhambi. "   "Ufanye mti kuwa mzuri na matunda yake kuwa mazuri, au ufanye mti kuwa mbaya na matunda yake mabaya, kwa maana kwa matunda yake mti hutambulikana" Mathayo 12:33. Kuishi maisha ya utakatifu ni agizo la Mungu kwa wale wote aliowachagua. Ndio maana Mungu alimwambia Musa,   "Nena na makutano wote na wana wa Israel, uwaambie, mtakuwa watakatifu; kwa kuwa mimi Bwana Mungu wenu ni mtakatifu"  Walawi    19:2. Kuwa mtakatifu ni kumpendeza Mungu, kwa sababu amesema;  “Watakatifu waliopo duniani ndio walio bora...
Maoni 33
Read more »

TUNDA LA UAMINIFU.

Uaminifu ni mojawapo ya tunda la Roho katika maandiko matakatifu. Tutajifunza uaminifu wa Mungu unaopatikana katika neno lake. Yeye amesema atatimiza yale aliyoahidi katika neno lake, si tu kwa wana wa Israel bali kwa watu    wote wanaoishi sawasawa na neno lake. Kwa hiyo, kwa upande wetu inatupasa sisi nasi kuwa waaminifu kwa kuliishi na kulitenda neno la Mungu.   “Basi jueni ya kuwa Bwana, Mungu wenu, ndiye Mungu; Mungu mwaminifu, ashikaye agano lake na rehema zake kwao wampendao, na kushika amri zake, hata vizazi elfu.   Na itakuwa, kwa sababu mwazisikiza hukumu hizi, na kuzishika na kuzitenda, basi Bwana, Mungu wako, atakutimizia agano na rehema aliyowaapia baba zako.”   Kum 7:9, 12.   “Ndivyo litakavyokuwa neno langu, litokalo katika kinywa changu    halitanirudia bure bali litatimiza mapenzi yangu, nalo litafanikiwa katika mambo yale niliyolituma.   Isa 55:11" Tabia ya mtu mwaminifu. 1. Mtu aliye mwaminifu ni yule ambaye anatenda sawa...
Maoni 12
Read more »